मन्दिरमा प्रेमी भेटिए अचम्म नमान्नु होस

दुनियाँ हो प्रिय् यहाँ चमत्कारी देखिन्छन्
भिन्नताको बीचमा दोस्ती यारी देखिन्छन्

सारा दोष समयको हो मान्छेहरू त सबै
लुट्ने लुटाउने दोषी हाराहारी देखिन्छन्

भौतारिनु हुँदैन आत्तिनु हुदैन बुझेको छु
सडकमा अझ धेरै बेरोजगारी देखिन्छन्

देखिन सक्छन् बजारमा अब सम्बन्धहरू
जस्तो सधैं नजिक वारि र पारी देखिन्छन्

मन्दिरमा प्रेमी भेटिए अचम्म नमान्नु होस
भट्टीमा अचेल प्रायः तागाधारी देखिन्छन्