फेरिने छन् फेरि घरहरू : धर्मानन्द भट्ट

फेरिने छन् फेरि घरहरू रित्तिएका होइनन्
सुनसान लाग्ने सहरहरू रित्तिएका होइनन्

यो यात्री उन्मुक्त यात्रामा निस्केको मात्रै हो
छोडेका छैनन् सफरहरू रित्तिएका होइनन्

तल्सिङ -मोही सम्बन्ध रुचाउनेहरू मलाई
कर छैन तर सबै करहरू रित्तिएका होइनन्

सपना देख्दा देख्दा सुकेका मेरा नयनहरू
फिका भए यी नजरहरू रित्तिएका होइनन्

मेरो रुपैयाँ कमजोर छ तिम्रो नजरमा किन
थाहा छ तिम्रा डलरहरू रित्तिएका होइनन्