भोकालाई जसरी यो अनाज प्यारो लाग्छ
त्यसरी महाराजलाई युवराज प्यारो लाग्छ
कुमारले कर्म गरे तर गणेशजी विजयी भए
सायद शिवलाई चाकडी बाज प्यारो लाग्छ
काम गर्दा दु:ख हुन्छ प्राय: चाहदैन मान्छे
खान पाइयोस काम न काज प्यारो लाग्छ
पुजीवादको चाहनाले समाजवाद भेट्टिदैन
त्यहीँ भएर हो सम्पत्ति आज प्यारो लाग्छ
सत्ता मोहको सामु आदर्शहरू शुलीमा चढे
तिमीलाई चढेको शीरमा ताज प्यारो लाग्छ