अनुहारको छालालाई स्वस्थ राख्न मानिसहरु महँगा उत्पादन प्रयोग गर्ने गर्छन् । विभिन्न प्रकारका क्रिम र लोसन प्रयोग गरिन्छ, तर तिनीहरूमध्ये धेरैजसोमा केमिकलहरू मात्र हुन्छन् जसले छालालाई राम्रो बनाउनुको साटो खराब बनाइरहेको हुन्छ । यसका साथै, छालामा एलर्जी जस्ता समस्या पनि आउन सक्छ । तर अब प्रश्न उठ्छ कि छालालाई स्वस्थ राख्न र प्राकृतिक रूपमा छालालाई मोइस्चराइज गर्न के गर्न सकिन्छ ?
अनुहारको छाला होस् वा शरीरका अन्य भाग, छालामा तेल लगाउनुभन्दा राम्रो अरू केही छैन जुन हामीमध्ये धेरैलाई थाहा छैन । अनादिकालदेखि नै छालालाई मोइश्चराइज गर्ने सबैभन्दा प्रभावकारी तरिका तेल हो – विशेष गरी तोरीको तेल । तोरीको तेल लगाउनाले छालालाई मोइस्चराइज मात्र गर्दैन, यसले अनुहार र छालाको धेरै समस्याहरू पनि हटाउँछ । साथै राति अनुहारमा तोरीको तेल लगाएर सुत्दा छालालाई अचम्मको फाइदा हुन्छ । यस लेखमा, हामी तपाईंलाई राती अनुहारमा तोरीको तेल लगाउने पाँच फाइदाबारे जानकारी दिइरहेका छौँ ।
रातभर अनुहारमा तोरीको तेल लगाउनुका फाइदा
१. सुख्खा छालाबाट छुटकारा दिलाउँछ
तोरीको तेल प्राकृतिक मोइस्चराइजर हो । यसले छालाको मोइस्चरलाई लक गर्न र पोषण प्रदान गर्न मद्दत गर्दछ । यो सुख्खा छालाको समस्या हटाउन निकै प्रभावकारी हुन्छ ।
२.चाया–डण्डीफोर टाढा राख्छ
तोरीको तेलमा एन्टिअक्सिडेन्ट र एन्टिब्याक्टेरियल गुण हुन्छ । यसले छालामा रहेको हानिकारक ब्याक्टेरियासँग लड्न र हटाउन मद्दत गर्छ । छालाको घाउ चाँडै निको पार्छ र चाया र पोतो कम गर्न मद्दत गर्दछ ।
३. छालामा निखार ल्याउँछ उज्यालो
हरेक रात सुत्नुअघि तोरीको तेल लगाउनाले अनुहारको छालामा निखार आउँछ । यसले अनुहारको टेनिङ, पिग्मेन्टेसन, र दाग कम गर्न पनि मद्दत गर्छ । यसले तपाईंलाई सफा र चम्किलो छाला प्राप्त गर्न मद्दत गर्छ ।
४. छालालाई कसिलो बनाउँछ
तोरीको तेलले अनुहारको छालालाई कसिलो बनाउन मद्दत गर्छ, जसले फाइन लाइन, चाउरी र छिद्रहरू खुम्चिन्छ र तपाईंलाई जवान देखाउँछ ।
५. मृत छालालाई सफा गर्छ
एन्टिअक्सिडेन्ट गुणले धनी, तोरीको तेलले फ्री रेडिकलसँग लड्न र मृत छालाका कोशिकाहरूलाई सफा गर्न मद्दत गर्दछ । यसले छालाको लागि प्राकृतिक एक्सफोलिएटरको रूपमा काम गर्छ र छालालाई गहिरो रूपमा सफा गर्छ । रातोपाटी बाट सभार
