यो व्यस्त जीवनमा अधिकांश मानिसलाई टाउको दुख्ने जस्ता समस्याले सताउने गर्दछ । धेरैले चिकित्सकको सल्लाह बिना मेडिकल स्टोरबाट औषधि लिन्छन् । यदि तपाईलाई पनि बारम्बार टाउको दुख्ने समस्या छ भने तपाईले चिकित्सकको सल्लाह लिनुपर्छ । टाउकोलाई हल्का रुपमा लिन नहुने चिकित्सकहरु बताउँछन् ।
माइग्रेन, अत्याधिक तनाव, गलत चश्मा लगाउने र उच्च रक्तचापका साथै रुघाखोकीका कारण पनि टाउको दुख्ने समस्या देखिएको डाक्टर बताउँछन् । यसका लागि चिकित्सकको सल्लाह लिएर मात्र औषधि सेवन गर्नुपर्छ ।
डाक्टरहरु टाउको दुख्नु सामान्य समस्या भएको बताउँछन्, जसलाई धेरैले सामना गर्नुपरेको छ । टाउको दुखाइ जुनसुकै उमेरमा पनि हुन सक्छ, चाहे त्यो सानो होस् वा ठूलो । टाउको दुख्ने समस्या भए पनि यसका लागि चिकित्सकसँग परामर्श लिनुपर्छ ।
टाउको दुख्ने धेरै कारणहरू छन्, जसमध्ये पहिलो कारण माइग्रेन हो, जसले बान्ता गराउनुका साथै टाउकोको एक भागमा पीडा हुन्छ । दोस्रो कारण भनेको रक्तचाप बढ्नु हो । यसका लागि तपाईले लगातार बीपी नाप्नु पर्छ।तेस्रो कारण भनेको तपाईको आँखामा चस्मा छ र त्यसको पावर बढ्दै वा घटिरहेको छ भने त्यसले पनि टाउको दुख्ने गर्छ ।
अहिलेको समयमा टाउको दुख्नुको एउटा कारण तनाव पनि रहेको डाक्टरहरु बताउँछन् । जसका कारण लगभग सबैजना पीडित छन् । कोही पढाइको चिन्तामा छन् भने कोही पैसा, जागिर, व्यापार, सम्बन्ध आदिको चिन्तामा छन् । यसबाट बच्न तपाई शान्त रहनु आवश्यक छ।
योग, व्यायाम, ध्यान गर्नुहोस् र आफ्नो मनलाई सकेसम्म शान्त राख्ने प्रयास गर्नुहोस्। यसबाहेक आफ्नो खानपानमा पनि ध्यान दिनुपर्छ । पौष्टिक खाना खानुहोस् र चुरोट र रक्सी जस्ता मादक पदार्थबाट टाढा रहनुहोस्।
Discussion about this post