एउटा कुहेको आलुले पुरै बोरा कुहाउछ
ख्याल गर्नुस्, मालिक मुनिमले डुबाउछ
सबै चम्किने वस्तु हिरा हुदैनन् बुझ्नुपर्छ
श्रृङ्गार जान्नू मुहार कालोले नि सजाउछ
पोस्नुको पनि त सिमा हुन्छ थाहा छैन र
धेरै मलले पनि हुर्केको बिरुवा सुकाउछ
नदिसँगै बगेको ढुङ्गाले ठोकिन डराउदैन
जो फोहर छ्याप्छ उहीँ सफाइ दिलाउछ
अध्यारोसँग डराउनु पर्ने कुनै कारण छैन
मलाई विश्वास छ बिहान अवश्य आउँछ