छेउमै बग्छ नदी प्यासी छ बगर के मतलब
यस्तै विशेषता बोकेको छ सहर के मतलब
जिन्दगी पुरै लगाएर घर बनाउछ मान्छे हेर
मरेपछि केही काम लाग्दैन, घर के मतलब
जति दौडिए भागे पनि गन्तव्य सबैको उहीँ
आखिर घाटसम्म मात्र हो सफर के मतलब
जसलाई आफ्नो भनेर सम्झिरहन्छौ उसैले
फर्किन्छ, जलाएर फोरेर खप्पर के मतलब
ठाउँले केही फरक पर्दैन प्रवृति नराम्रो भए
सधैँ सिनोमै हुन्छ गिद्दको नजर के मतलब
Discussion about this post