महेन्द्रनगर । कैलालीको घोडाघोडी नगरपालिकामा कारको ठक्करबाट पैदल यात्री करिब १६ वर्षीया पूर्णिमा चौधरीको मृत्यु भएको छ । एक जना घाइते भएका छन् ।
पूर्व–पश्चिम राजमार्गअन्तर्गत घोडाघोडी–१० पहलमानपुर स्थित कान्द्रा पुल नजिकै बा १४ च १७२२ को कारले ठक्कर दिँदा सोही ठाउँकी चौधरीको मृत्यु भएको सुदूरपश्चिम प्रदेश ट्राफिक प्रहरी कार्यालय अत्तरियाले जनाएको छ ।
सिफारिस
कारको ठक्करबाट गम्भीर घाइते भएकी उनको उपचारका क्रममा कोहलपुर मेडिकल कलेजमा मृत्यु भएको हो ।
यस्तै, कारको ठक्करबाट अर्का पैदल यात्री घोडाघोडी–१० का १५ वर्षीय गणेश रावल घाइते भएका छन् । उनको घोडाघोडी अस्पतालमा उपचार भइरहेको छ ।
गाडीे र चालक प्रकाश बहादुर चौधरीलाई इलाका प्रहरी कार्यालय सुखडले नियन्त्रणमा लिएको छ । बिकल्प दैनिक
