प्रकृति हो आशा निराशा बोकेर बाचेको हुन्छ !

प्रकृति हो आशा निराशा बोकेर बाचेको हुन्छ
मान्छे उत्साह अभिलाषा बोकेर बाचेको हुन्छ
जिन्दगी जिउने आआफ्नै कला छन् सबैका
कोहि बुद्ध कोहि दुर्वासा बोकेर बाचेको हुन्छ
चेतना भनेकै एउटा जीवन जिउने कला हो
मदहोस आफ्नो तमासा बोकेर बचेको हुन्छ
सकुनीहरू चिनेपछि के गुनासो गर्नु व्यर्थमा
उसको पहिचन हो पासा बोकेर बाचेको हुन्छ
मृत्युबोध भएपछि जिन्दगी बुझ्नेलाई के था
जिन्दगी बेग्लै परिभाषा बोकेर बाचेको हुन्छ
हारेको दिन मर्छ बाचुञ्जेल लडिरहन्छ ऊ
दुनियाँमा मान्छे आशा बोकेर बाचेको हुन्छ