फ्रिजमा राख्नै हुन्न यी खानेकुरा

गर्मी मौसममा लामो समयसम्म ताजा राख्नका लागि भनेर मानिसहरूले खानेकुरा फ्रिजमा राख्ने गर्छन् । जाडोमा बाहिर त्यत्तिकै राख्दा केही नहुने चिजहरू प्रायः गर्मीमा भने त्यसै गरी राख्दा ताताेका कारण बिग्रन थाल्छन् ।

यस्तो अवस्थामा हामी ती वस्तुहरूलाई फ्रिजमा राख्छौँ । केही खानेकुरालाई फ्रिजमा राख्दा खानाको स्वाद, पोषण र गुणस्तरलाई असर गर्ने अनेक कुराहरू हुन्छन् । यो कुरा तपाईँलाई थाहा छ कि छैन ? त्यसकारण, ती वस्तुलाई कोठाको तापक्रममा भण्डार गर्नुपर्छ ताकि तिनीहरू लामो समयसम्म ताजा रहून् । आजको यस लेखमा हामी फ्रिजमा राख्नै हुने ५ खानेकुराहरू बारे कुराकानी गर्नेछौँ, जुन यस प्रकार छन्ः

केरा

फ्रिजमा केरालाई राख्दा यो कालो हुन्छ अनि यसको बनावट पनि बिग्रन्छ । यति मात्रै होइन । यसले नजिकै राखिएका अन्य फलफूलहरूलाई पनि बिगार्न सक्छ ।

गोलभेँडा

गोल भेदलाई फ्रिजमा राख्दा यसको बनावट फेरिन्छ अनि रबर जस्तो हुन थाल्छ । यसको स्वाद पनि फिक्का हुन थाल्छ र पोषण कम हुन सक्छ ।

प्याज

प्याजलाई फ्रिजमा राख्दा यो चिसो हुन्छ । अनि छिटै कुहिन सक्छ । यसको गन्धले फ्रिजमा राखिएका अन्य वस्तुहरूलाई पनि असर गर्न सक्छ ।

पाउरोटी

यदि तपाईँले फ्रिजमा पाउरोटी राख्नुभयो भने, यो चाँडै सुक्छ र यसको ताजापन पनि सकिदैं जान्छ । यसले पाउरोटीको स्वाद र बनावटलाई पनि असर गर्छ ।

आलु

आलुलाई फ्रिजमा राख्दा यसमा रहेको स्टार्च चिनीमा बदलिन थाल्छ । जसको कारण यसको स्वाद र पोषण प्रभावित हुन्छ । यति मात्रै होइन, चिसोका कारण आलु छिटै बिग्रिन थाल्छ । रातोपाटी बाट साभार