कञ्चनपुर । कञ्चनपुर उद्योग वाणिज्य सङ्घले नव निर्वाचित जिल्लाका नेपाल पत्रकार महासङ्घ शाखाका पदाधिकारी सदस्यलाई सम्मान गरेको छ । गत २८ मङ्सिरमा सम्पन्न भएको पत्रकार महासङ्घ कञ्चनपुरको निर्वाचनबाट निर्वाचित पदाधिकारी एवम् सदस्यहरूलाई सोमबार एक कार्यक्रमका बिच सम्मान गरेको हो ।
उद्योग वाणिज्य सङ्घका अध्यक्ष पीताम्बर जोशीको अध्यक्षतामा पत्रकार महासङ्घ शाखा कञ्चनपुरका अध्यक्ष सुरेश सिंह धामीको प्रमुख आतिथ्यमा कार्यक्रम भएको थियो । नेपाल पत्रकार महासङ्घ शाखा कञ्चनपुरका अध्यक्ष सुरेश सिंह धामीले पत्रकारको हकहितका साथै संस्थागत वृद्धि विकासका लागि आउने मेला महोत्सवबाट पत्रकार कल्याण कोष स्थापनार्थ सहयोगका लागि आग्रह गरेका छन् ।
अध्यक्ष धामीले पत्रकारलाई प्रदान गर्दै आएको पत्रकारिता पुरस्कारको राशी समेत वृद्धिका लागि अनुरोध गरेका छन् । कञ्चनपुर उद्योग वाणिज्य सङ्घका महासचिव खगेशवर बोहराले सम्मान कार्यक्रमको सञ्चालन गर्दै जिल्लाको विकासका लागि पत्रकारको भूमिका हुने भन्दै सम्मान गरिएको बताए ।
कञ्चनपुर उद्योग वाणिज्य सङ्घका अध्यक्ष पीताम्बर जोशीले जिल्लाको आर्थिक विकासका लागि पत्रकार जगतको भूमिका महत्त्वपूर्ण हुने भन्दै त्यसतर्फ समेत मुद्दा उठान गर्न आग्रह गरेका छन् । अध्यक्ष जोशीले पत्रकार हकहित कल्याण कोष स्थापनाका लागि आउँदो मेलाको टिकेटबाट सहयोग गर्ने घोषणा गरेका छन् ।
Discussion about this post