हाम्रा सपना लुटिए र तिम्रा पुरा भए होलान् ….

कालालाई गोरा र गोरालाई काला बयायौ
विकास भयो देशलाई सालाखाला बनायौ

भोगविलास नै विचार सिद्धान्त दर्शन रहेछ
तिमीले त सिंहदरबारलाई मधुशाला बनायौ

तिमीभन्दा बुद्धिजीवी अरु कोही हुन सक्दैन
स्वयं शासक भई बुद्धिजीवी गोठाला बनायौ

घाँटीमाथि केही चल्दैन पाखुरा तिघ्रा नजर
बुद्धिस्थान तिम्रो झन कसरी पैताला बनायौ

हाम्रा सपना लुटिए र तिम्रा पुरा भए होलान्
बधाई छ बाँकी रहेको देश यसैपाला बनायौ