आगामी चैत १७ गतेदेखि सञ्चालन हुने एसइइ परीक्षाका लागि बैतडीमा २५ केन्द्र तोकिएका छन् । जिल्ला परीक्षा समन्वय समितिको बैठकले एसइइ परीक्षा सञ्चालनका लागि २५ ओटा केन्द्र तोकेको शिक्षा विकास तथा समन्वय इकाइ बैतडीका सूचना अधिकारी पुष्करराज शर्माले बताए ।
अन्य बर्ष ग्रेड वृद्धि र प्राविधिधारका लागि अलग केन्द्र राखिने गरेको भएपनि यो बर्ष त्यो केन्द्र हटाइएको उनले बताए । ग्रेड वृद्धि र प्राविधिकधारका परीक्षार्थीहरुले पनि सम्बन्धित विद्यालयको केन्द्र मार्फत नै परीक्षा दिन पाउने सूचना अधिकारी शर्माले बताए ।
जिल्लामा गत बर्ष २६ केन्द्र रहेकोमा यो बर्ष २५ केन्द्र कायम गरिएका छन् । ग्रेड वृद्धि र प्राविधिक धारको केन्द्र हटाएपछि यो बर्ष पुरानै २५ ओटा केन्द्र कायम गरिएका सूचना अधिकारी शर्माले बताए ।
यो बर्ष ग्रेड वृद्धि र प्राविधिक धार तर्फबाट परीक्षार्थीहरुले पनि आफ्नै विद्यालयको तोकिएको केन्द्रबाट परीक्षा दिन पाउने भएका छन् । गत विगतमा ग्रेड वृद्धि र प्राविधिक धारका परीक्षार्थीका लागि अलगै केन्द्र तोकिने गरेको थियो ।
यो बर्ष बैतडीबाट नियमित परीक्षार्थी ५ हजार १८४ जना परीक्षामा सहभागी हुनेछन् । यी मध्ये २१८ जना प्राविधिक धारका परीक्षार्थीहरु रहेका छन् । बैतडीबाट १४४ जना ग्रेडवृद्धिका परीक्षार्थी परीक्षामा सहभागी हुने शिक्षा विकास तथा समन्वय इकाइले जनाएको छ । सगुन खबर बाट सभार
Discussion about this post