बैतडीमा जिप पल्टिँदा एकजना समान्य घाइते भएका छन् । जिल्लाको गोकुलेश्वरबाट डिलाशैनी गाउँपालिकाको केन्द्र धामी गाउँ जाँदै गरेको सु.प.प्र.००१ ज १२०८ नम्बरको जिप वडा नं ५को अमिरपानी भन्ने ठाउँमा पल्टिएको हो ।
सिफारिस
जिपको ब्रेक फेल भएर सडकमै पल्टिएको जानकारी आएको डिलाशैनी गाउँपालिका वडा नं ७ का वडा अध्यक्ष प्रकाशमणी भट्टले बताए । जिप सडकमै पल्टेको हुनाले ठूलो मानवीय क्षति हुनबाट जोगिएको उनले बताए ।
जिपमा चालक सहित १५ जना सवार रहेका स्थानीय मनोज जोशीले बताए । कच्ची सडकको उकालोमा ब्रेक फेल भएर जिप पल्टेको उनले बताए । सगुन खबर बाट सभार
