कैलाली र कञ्चनपुरमा भारी वर्षा मापन भएकोले सतर्क रहन जल तथा मौसम विज्ञान विभागले आग्रह गरेको छ । शुक्रबार दिउँसो देखि शनिबार बिहानसम्म कञ्चनपुर र कैलालीको धेरै स्थानमा भारी वर्षा मापन भएको र थप वर्षा हुने भन्दै विभागले सचेत रहन आग्रह गरेको हो ।
मोहना, खुटिया , कान्द्रा, चौधर, स्याली लगायतका साना नदी तथा खोलाहरूमा आकस्मिक बाढी आई खतरा आसपास पुगेको विभागले जनाएको छ ।
अझै पनि थप वर्षा हुने भएकाले कैलाली र कञ्चनपुरका साना नदी तटीय क्षेत्र र डुबान भइरहने होचा स्थानमा उच्च सतर्कता अपनाउन जल तथा मौसम विज्ञान विभागले अनुरोध गरेको छ ।
गोदावरी न्युज बाट सभार
Discussion about this post