बैतडीमा तिहारपछि अन्तरपालिका भलिबल प्रतियोगिता हुने भएको छ । प्रत्येक बर्ष दशरथचन्द नगरपालिकामा नगरस्तरीय भलिबल प्रतियोगिता सञ्चालन गर्दै आएको मेनेजर तेजबहादुर चन्द ट्रष्टले यो बर्षदेखि पालिकास्तरीय भलिबल प्रतियोगिता सञ्चालन गर्ने निर्णय गरेको ट्रष्टका सचिव विनोदबहादुर चन्दले बताए ।
तिहारपछि भलिबल प्रतियोगिताको आयोजना गरिने र त्यसमा दशओटै पालिकाका टीमको सहभागिता रहने जनाएको छ । मेनेजर तेजबहादुर चन्द स्मृति भलिबल प्रतियोगितामा पहिलो हुने टीमलाई नगद १ लाख २५ हजार पुरस्कार दिइने छ । यस्तै दोश्रो हुने टीमलाई नगद ७५ हजार र तेश्रो हुने टीमलाई नगद ३५ हजार पुरस्कार दिइने ट्रष्टका अध्यक्ष ग्रिस चन्दले बताए ।
यस्तै प्रतियोगितामा ३ विधामा उत्कृष्ट खेलाडीहरुलाई ५ हजारका दरले नगद पुरस्कार वितरण गरिने ट्रष्टका कार्यसमिति सदस्य दिपेन्द्रबहादुर चन्दले बताए ।
ट्रष्टले बैतडीमा खेलकुदका साथै विभिन्न सामाजिक क्षेत्रमा काम गर्दै आएको छ । बैतडीमा भलिबल प्रतियोगिता सञ्चालन गर्दै आएको ट्रष्टले अबदेखि क्रिकेट प्रतियोगिता आयोजना गर्न पनि सहयोग गर्ने बताएको छ ।
यस्तै विद्यालयहरुमा पुस्तकालय स्थापना पनि ट्रष्टले सहयोग गर्दै आएको छ । मणिलेक मावि काँडा मेलौलीमा पुस्तकालय स्थापनाका लागि सहयोग गरेको ट्रष्टले अन्य विद्यालयमा पनि सहयोग गर्ने योजना बनाएको सचिव चन्दले बताए । सगुन खबर बाट सभार
Discussion about this post