बैतडीको दशरथचन्द नगरपालिकालाइ नगर बस सञ्चालन गर्न माग गरिएको छ । नेपाल विद्यार्थी संघ दनपा समुन्वय समितिले नगर भित्र नगरबस सञ्चालन गर्न माग गरेको हो ।
यातायात व्यवसायीहरुले चर्काे भाडालिएर नागरिकहरु परिसान भइसकेको उल्लेख गर्दै सो समितिले पहिलो बजेटबाटै नगरबस सञ्चालन गर्न माग गर्दै बिहीबार नगरप्रमुख पुष्कर जोशी लख्खाभाइलाइ ज्ञापन पत्र बुझाएको छ । यातायत व्यवसायीहरुले मनपरि भाडा असुल्दा गरिब विपन्न नागरिकहरु बढी समस्या भोगिरहेकाले नगरबस सञ्चलानको अवधारणा यथासिग्र अघि सार्न माग गरिएको छ ।
यस्तै पेट्रोल पम्प सञ्चालन र अटोरिक्सा सञ्चालनको माग समेत नगरपालिकालाइ गरिएको छ । आफुहरु यी मागहरु सम्बोधन नहुँदा सम्म सघर्ष जारी राख्ने नेपाल विद्यार्थी संघ दनपा समुन्वय समिति संयोजक अमर टेरले बताए ।
यस अघि पनि पटकपटक माग गरेका भएपनि माग सम्बोधन नभएका र अहिलेका नयाँ जनप्रतिनिधिहरुलाइ पनि यो समस्या दर्शाएका उनको भनाइ छ ।
नगरप्रमुख लख्खा भाइले जायज माग भएको जनाउदै बस सञ्चालनको प्रक्रिया अगाडि बढाइने बताएको छ । ज्ञापन पत्र बुझदै उनले नगर बस सञ्चालनका लागि पहल गर्ने आश्वासन दिएको संयोजक टेरले बताए ।
बैतडीका निजी सवारीसाधानहरुले चर्काे भाडा लिने गरेकाले सर्बसाधारण नागरिहरु समस्या परेका छन् । सगुन खबर बाट सभार
Discussion about this post