प्रधानमन्त्री कप टी–टवान्टी क्रिकेट प्रतियोगितामा सुदूरपश्चिम प्रदेशले प्रदेश एकलाई हराउँदै सान्त्वना जित निकालेको छ ।
समूह ‘ए’ रहेको सुदूरपश्चिमले आज त्रिवि मैदानमा भएको पहिलो खेलमा प्रदेश एकलाई ७ विकेटले हराएको हो । जितका लागि १ सय ५९ रनको लक्ष्य पछ्याएको सुदूरपश्चिमले १९ ओभर एक बलमा ३ विकेट गुमाएर भेट्टायो ।
टस जितेर पहिला ब्याटिङ गरेको प्रदेश एकले निर्धारित २० ओभरमा ९ विकेट गुमाएर एक सय ५८ रन बनाएको थियो । हारपछि प्रदेश एकको सेमिफाइनलको सम्भावना टुंगिएको छ ।
आर्मी सेमिफाइनलमा पुगेको छ । समूह ‘ए’ बाट यसअघि पुलिस क्लब सेमिफाइनलमा प्रवेश गरिसकेको छ । पुलिसले तीन खेलमा तीन वटैमा जित निकालेर अङ्कतालिकाको शीर्षस्थानमा छ ।
आर्मीले चार खेलमा दुईमा जित र एकमा हार ब्यहोरेको छ । मैदान भिजेका कारण प्रदेश एक र आर्मीले एउटा खेलमा अंक बाँडेका थिए । समूह ‘बी’ मा एपीएफ समूह विजेताका रुपमा र बाग्मती उपविजेता बन्दै सेमिफाइनलमा पुगिसकेका छन् । सेमिफाइनलमा पुलिस र वाग्मती तथा एपीएफ र आर्मीबीच खेल हुनेछ । अनलाइनखबर बाट सभार
Discussion about this post