कञ्चनपुर । युनिसेफ नेपाल र नेपाल राष्ट्रिय समाज कल्याण संघ (एनएनएसडब्ल्यूए) को सहयोगमा तथा दोधारा चाँदनी नगरपालिकाको आयोजनामा आज नगरपालिकास्थित बैंक तथा वित्तीय संस्थाका प्रतिनिधिहरूसँग समन्वय बैठक सम्पन्न भएको छ। बैठकमा दोधारा चाँदनी नगरपालिका क्षेत्रमा सञ्चालनमा रहेका कुमारी बैंक, लक्ष्मी सनराइज बैंक, एनआईसी एसिया बैंक र कृषि विकास बैंकका शाखा प्रबन्धकहरूको सहभागिता रहेको थियो।
बैठकका क्रममा निजी क्षेत्र साथै बैंक तथा वित्तीय संस्थाहरूले हालसम्म सञ्चालन गरेका कार्यक्रम तथा गतिविधिहरूको समीक्षा गरिएको थियो। साथै शिक्षा, स्वास्थ्य, गरिबी निवारण र विपद् व्यवस्थापनका क्षेत्रमा नगरपालिका तथा नीजि क्षेत्रका वित्तीय संस्थाहरूबीच गर्न सकिने सहकार्यका विषयमा विस्तृत छलफल भएको थियो।
विशेषगरी विपद् व्यवस्थापनमा नीजि क्षेत्र साथै बैंक तथा वित्तीय संस्थाहरूले निर्वाह गर्न सक्ने भूमिका, सामाजिक उत्तरदायित्वअन्तर्गत सञ्चालन गर्न सकिने कार्यक्रम र विपद्को समयमा उपलब्ध गराउन सकिने सहयोगबारे सहभागीहरूले आफ्ना धारणा प्रस्तुत गरेका थिए।
बैठकमा सहभागी बैंकका शाखा प्रबन्धकहरूले आगामी दिनमा नगरपालिकासँग नियमित समन्वय र सहकार्य गर्दै शिक्षा, स्वास्थ्य, गरिबी निवारण तथा विपद् जोखिम न्यूनिकरण तथा व्यवस्थापनलगायतका क्षेत्रमा योगदान पुर्यातउन सकारात्मक रहेको बताएका छन्।
बैठकले नगरपालिका र बैंक तथा वित्तीय संस्थाहरूबीचको समन्वयलाई थप प्रभावकारी बनाउँदै आगामी दिनमा आपसी सहकार्यका साथ अगाडि बढ्ने निर्णयसमेत गरेको छ।
Discussion about this post