कञ्चनपुर जिल्लाको भीमदत्त नगरपालिका वडा नं. १६ मा रहेको मझगाउँ विमास्थल २२ बर्ष पछी पुनः सञ्चालनमा आउने भएको छ।
सोमवार मझगाउँ कटेजको सभाहलमा पत्रकार सम्मेलन आयोजना गर्दै मझगाउँ विमानस्थल पुनः संचालन हुन लागेको समितिका अध्यक्ष रमेश चन्दले बताएका छन्।
बि.स २०२३÷०२४ सालमा स्थापना भई नियमित उडाँन भर्दै आएको मझगाउँ विमास्थल शसस्त्र द्धन्द्धका समयमा असुरक्षाका कारण देखाउदै सरकारले २०५६ सालबाट उडान बन्द गरेको थियो ।
विमानस्थल पुनः सञ्चालन समितिले आयोजना गरेको पत्रकार सम्मेलनमा समिति गठन भएदेखि गरेका कार्य प्रगति विवरण पेश गरिएको थियो । विमानस्थल पुनः सञ्चालन समितिले विमानस्थल संचालनका लागि विभिन्न बाधा अवरोध सहेर पनि विमानस्थल संचालनको मुलआधारमा पुगेको अभियान्ता राजेन्द्र बहादुर चन्दले बताएका छन् ।
विमानस्थलको कुल बजेट ४५ करोड ६६ लाख २४ हजार ७ सय १५ रहेको तथा पुष २८ गते विमानस्थलको पुनः निर्माण कार्यको शिलान्यास गर्ने कार्यक्रम तय भएको समेत अभियान्ता चन्दले बताए । विमानस्थलका लागि पुष ११ गतेको नेपाल नागरिक उड्यन प्राविधिकरणको बैठकले बजेट बिनियोजन गरेको थियो ।
पुष २८ गते शिलान्यास हुने विमास्थलको ठेक्का सम्झौता निर्माणका लागि के एस–कान्छाराम कन्स्ट्रक्सनले ठेक्का पाएको छ। अब बन्ने विमास्थलको लम्बाई १ हजार ६ सय ६२ मिटरको रहने र उक्त विमानस्थल ६६ विगाह जमिनमा रहने अभियान्ता चन्दले बताए ।
Discussion about this post