तेज बोहरा
कैलाली १२ चैत
‘ब्लड क्यान्सर’ बाट पीडित कैलालीको बर्दगोरीया गाउँपालिका–२ कुम्भीया गाउँकी मिना बमलाई कैलाली बहुमुखी क्याम्पसमा अध्ययनरत समाजकार्य दोस्रो बर्षका बिद्यार्थिहरुले आर्थिक सहयोग गरेका छन् ।
ब्लड क्यान्सरबाट पिडित मिनाको आर्थिक स्थिती कमजोर भएको र ब्लड क्यान्सर भएको थाहाच पाएपछि श्रीमानले छोड्ेको समचार नेपालटपमा प्रकाशन भएपछि विद्यार्थिहरुले मंगलबार मिनाको घरमै गएर १८ हजार बराबरको रकम सहयोग गरेको हुन् ।
समाजकार्य दोस्रो बर्षका बिद्यार्थिहरुले क्याम्पसमा गरेको होली बिशेष कार्यक्रम बाट संकलन भएको रकम र क्याम्पसका अन्य बिद्यार्थिहरुबाट मिना बचाउ अभियान सञ्चालन गरी जम्मा भएको रकम मिनालाई हस्तान्तरण गरेका छन् ।
मिनाको उपचारको लागी बिभिन्न ठाउँबाट भण्डै एकलाख बराबरको रकम सहयोग आएपछि मंगलबानै मिनालाई थप उपचारको लागी चितवन लगीएको छ ।
एक वर्षदेखि लगातार उपचार गरे पनि उनको स्वास्थ्यमा सुधार नभएपछि उनी घरमै थला परेकी थिईन । चिकित्सकका अनुसार बमको उपचार गर्न करिब १० लाख लाग्छ । आफूसँग त्यति धेरै रकम नभएकाले उपचार नगरी घरमै राख्नुपरेको बमकी आमा शारदा बमले बताइन् ।
उनका परिवारले सहयोगको अपिल गरेका छन् । सहयोग गर्नुहुनेले एभरेस्ट बैकमा रहेको मिना बम की आमा शारदा देवी बम को खाता नं. ०६८००५०१२००५६० मा रकम जम्मा गर्न सक्नुहुन्छ ।
![Dirghayu Ads](https://sudurpashimkhabar.com/wp-content/uploads/2024/06/Dirghayu.gif)