शिक्षक महासंघको निर्णय भदौदेखि आन्दोलनमा उत्रिने

नेपाल शिक्षक महासंघले सरकारले विगतका सहमति कार्यान्वयन नगरेको भन्दै भदौदेखि आन्दोलनमा उत्रिने निर्णय गरेको छ।

महासंघको राष्ट्रिय परिषद् बैठकले आन्दोलन गर्ने निर्णय गर्दै यसको मिति, स्वरूप र कार्यक्रम तय गर्ने अधिकार विस्तारित कार्यालय बैठकलाई दिएको छ।

महासंघले विद्यालय शिक्षा ऐन तत्काल जारी गर्न, शिक्षकलाई प्रोत्साहन भत्ता उपलब्ध गराउन, अव्यवहारिक सरुवा व्यवस्था हटाउन तथा अस्थायी र विद्यालय कर्मचारीको न्यूनतम तलब सुनिश्चित गर्न सरकारसँग माग गरेको छ।