सरकारले पोखरा अन्तर्राष्ट्रिय विमानस्थलबाट अन्तर्राष्ट्रिय उडान आकर्षित गर्न २०८५ भदौ मसान्तसम्म ‘पार्किङ’, ‘ल्यान्डिङ’ र ‘नेभिगेसन’ शुल्क पूर्ण रूपमा तथा ‘ग्राउन्ड ह्यान्डलिङ’ शुल्कमा ५० प्रतिशत छुट दिने निर्णय गरेको छ।
यससँगै फ्लाई दुबईले आगामी असोज ७ गतेदेखि पोखरा–दुबई सिधा उडान सुरु गर्ने तयारी पूरा गरेको छ। उडान तालिका स्वीकृत भइसकेको छ भने टिकट बुकिङ पनि खुला गरिएको छ।
यो निर्णयले पोखराबाट अन्तर्राष्ट्रिय उडान विस्तार, पर्यटन प्रवर्द्धन तथा वैदेशिक रोजगारी, अध्ययन र भ्रमणका लागि विदेश जाने यात्रुलाई सहज हुने अपेक्षा गरिएको छ। तीन वर्षदेखि नियमित अन्तर्राष्ट्रिय उडानविहीन रहेको पोखरा अन्तर्राष्ट्रिय विमानस्थल अब अन्तर्राष्ट्रिय हवाई सञ्जालसँग जोडिने विश्वास गरिएको छ।
Discussion about this post