बेलायतका प्रधानमन्त्री तथा लेबर पार्टीका नेता किअर स्टार्मरले सरकार र पार्टी नेतृत्वबाट राजीनामा दिने घोषणा गर्नुभएको छ।
लन्डनस्थित डाउनिङ स्ट्रिट बाहिर राष्ट्रका नाममा सम्बोधन गर्दै स्टार्मरले आफूले प्रधानमन्त्रीका रूपमा लिएका सबै निर्णय देशको हितलाई केन्द्रमा राखेर गरेको बताउनुभयो। उहाँले नयाँ नेता चयन नभएसम्म कार्यवाहक प्रधानमन्त्रीका रूपमा जिम्मेवारी सम्हालिरहने पनि स्पष्ट पार्नुभयो।
बीबीसीका अनुसार गएको हप्ता उपनिर्वाचनबाट सांसद निर्वाचित भएका एन्डी बर्नमलाई स्टार्मरको सम्भावित उत्तराधिकारीका रूपमा हेरिएको छ। यद्यपि नयाँ प्रधानमन्त्रीको औपचारिक नियुक्तिका लागि सेप्टेम्बरको उत्तरार्धसम्म प्रतीक्षा गर्नुपर्ने बताइएको छ।
सन् २०२४ को आमनिर्वाचनमा लेबर पार्टीलाई ऐतिहासिक जित दिलाउँदै प्रधानमन्त्री बनेका स्टार्मरको कार्यकाल नीतिगत परिवर्तन, आर्थिक चुनौती तथा घट्दो जनसमर्थनका कारण पछिल्लो समय दबाबमा परेको थियो।
Discussion about this post