नेपालको हिमाली मुहानबाट शुद्ध र सुरक्षित पिउने पानी उपलब्ध गराउने उद्देश्यसहित बजारमा आएको अपी स्प्रीङ वाटर (API Spring Water) पछिल्लो समय लोकप्रीय बनेको छ। सन् २०२३ जुनमा कम्पनी रजिस्ट्रारको कार्यालयमा दर्ता भएको यस कम्पनीले दार्चुलाको मार्मा गाउँपालिका-२ क्षेत्रमा आधुनिक प्रविधियुक्त मिनरल वाटर उत्पादन उद्योग स्थापना गरेको जनाएको छ।
अपी पावर लिमिटेडको पहलमा स्थापना गरिएको अपी स्प्रीङ वाटरले “Natural Spring Water from the API Himalayas” भन्ने नारासहित शुद्ध, स्वच्छ र खनिजयुक्त पानी उपभोक्तासम्म पुर्याउने लक्ष्य लिएको छ। कम्पनीका अनुसार हिमालयको प्राकृतिक संरचना र शुद्ध वातावरणले यस पानीलाई विशेष बनाएको छ, जसले प्राकृतिक रूपमा फिल्टर भएर आवश्यक खनिज तत्वहरू समेट्छ।
कम्पनीले २५० एमएल, ५०० एमएल र १००० एमएलका विभिन्न प्याकेजमा प्राकृतिक स्प्रिङ वाटर तथा आरओ (RO) पानी बजारमा ल्याएको छ। उत्पादन प्रक्रियामा वातावरणमैत्री प्रविधि अपनाइएको र दिगोपनलाई प्राथमिकता दिइएको कम्पनीले जनाएको छ।
कम्पनीको मुख्य कार्यालय काठमाडौंको थापाथलीस्थित ट्रेड टावरमा रहेको छ भने उत्पादन केन्द्र दार्चुलाको मार्मा क्षेत्रमा सञ्चालनमा छ। स्थानीय समुदायसँग सहकार्य गर्दै आर्थिक विकासमा टेवा पुर्याउने र हिमाली जलस्रोत संरक्षणमा योगदान गर्ने कम्पनीको लक्ष्य रहेको बताइएको छ।
अपी स्प्रीङ वाटरले स्वच्छ पानी मात्र नभई स्वास्थ्य प्रवर्द्धनमा पनि योगदान दिने विश्वास लिएको छ। यसमा क्याल्सियम, म्याग्नेसियम र पोटासियमजस्ता आवश्यक खनिज तत्व पाइने भएकाले शरीरलाई हाइड्रेट राख्न, पाचन सुधार गर्न र समग्र स्वास्थ्यमा सकारात्मक प्रभाव पार्ने दाबी गरिएको छ।
कम्पनीले निकट भविष्यमा अन्तर्राष्ट्रिय बजारमा समेत विस्तार गर्दै नेपाली हिमाली पानीलाई विश्वसामु चिनाउने लक्ष्य लिएको जनाएको छ।
Discussion about this post