काठमाण्डौ — पाकिस्तानसँगको तेस्रो तथा अन्तिम टी–२० अन्तर्राष्ट्रिय क्रिकेटमा श्रीलङ्का आठ विकेटले विजयी भएको छ। कुशल मेन्डिसको उत्कृष्ट ब्याटिङमा श्रीलङ्काले जित निकाल्दै तीन खेलको शृङ्खलामा सान्त्वना प्राप्त गरेको हो।
हिजो रावलपिण्डीमा भएको खेलमा पाकिस्तानले दिएको १६९ रनको लक्ष्य श्रीलङ्काले १७.१ ओभरमा दुई विकेट गुमाएर पूरा गर्यो।
श्रीलङ्काका कुशल मेन्डिसले ४८ बलमा सात चौका र चार छक्काको मद्दतमा अविजित ८७ रन बनाए। त्यस्तै, कामिन्दु मेन्डिसले अविजित ४० तथा सिनेत जयवर्धनेले ३८ रनको योगदान दिए।
त्यसअघि पहिले ब्याटिङ गरेको पाकिस्तानले निर्धारित २० ओभरमा आठ विकेट गुमाएर १६८ रन बनाएको थियो। पाकिस्तानका साहिबजादा फरहानले सर्वाधिक ७६ रन बनाए। श्रीलङ्काका दासुन शनाकाले तीन विकेट लिए।
यस जितसँगै श्रीलङ्काले शृङ्खलाको अन्तिम खेल जितेको छ। पाकिस्तानले भने यसअघिका दुई खेल जित्दै तीन खेलको टी–२० शृङ्खला २–१ ले आफ्नो पक्षमा पारेको छ।
Discussion about this post