काठमाडौँ । अन्तर्राष्ट्रिय क्रिकेट परिषद् (आईसीसी) ले सार्वजनिक गरेको नयाँ एकदिवसीय विश्व वरियतामा नेपालले एक स्थान सुधार गर्दै १६औँ स्थान हासिल गरेको छ।
आईसीसीको पुरुष एकदिवसीय वरियताअनुसार नेपालले ३३ खेलबाट ९३९ अङ्कसहित २८ रेटिङ प्राप्त गरेको छ। यससँगै नेपाल अघिल्लो वरियताभन्दा एक स्थान माथि उक्लिएको हो।
नेपालभन्दा अगाडि अमेरिका १५औँ स्थानमा रहेको छ भने नामिबिया १७औँ स्थानमा छ।
एकदिवसीय विश्व वरियताको शीर्ष स्थानमा भारत कायमै छ। न्यूजिल्याण्ड दोस्रो तथा दक्षिण अफ्रिका तेस्रो स्थानमा छन्। यस्तै, अष्ट्रेलिया चौथो र पाकिस्तान पाँचौँ स्थानमा रहेका छन्।
नेपालको पछिल्लो वरियतागत सुधारले नेपाली क्रिकेटको एकदिवसीय यात्रामा सकारात्मक संकेत देखाएको छ।
Discussion about this post