काठमाडौं । यूईएफए च्याम्पियन्स लिगको नयाँ सिजनमा म्यानचेस्टर सिटी र रियल म्याड्रिडले विजयी सुरुवात गरेका छन्।
गएराति भएको खेलमा म्यानचेस्टर सिटीले एफसी पोर्टोलाई २–० ले पराजित गर्दा रियल म्याड्रिडले इन्टर मिलानलाई २–१ ले हरायो।
सिटीको जितमा एर्लिङ हालान्ड नायक बने। उनले टोलीका दुवै गोल गर्दै सिटीलाई महत्वपूर्ण तीन अंक दिलाए।
यता, रियल म्याड्रिडको जितमा किलियन एमबाप्पे र फेडेरिको भाल्भेर्देले एक–एक गोल गरे। इन्टर मिलानका लागि कार्लोस अगुस्टोले एक गोल फर्काए पनि टोलीलाई हारबाट जोगाउन सकेनन्।
यससँगै सिटी र रियलले च्याम्पियन्स लिगमा आफ्नो अभियान तीन अंकसहित सुरु गरेका छन्।
अन्य खेलमा एईके एथेन्सले लास्क लिन्जलाई, एस्टन भिल्लाले क्लब ब्रुगलाई, बोरुसिया डर्टमुन्डले भिल्लारियललाई तथा रियल बेटिसले लिललाई पराजित गरेका छन्।
Discussion about this post