सिन्धुपाल्चोक । राष्ट्रिय प्रजातन्त्र पार्टी (राप्रपा) सिन्धुपाल्चोकको जिल्ला अध्यक्षमा निलध्वज थापा पुनः निर्विरोध चयन भएका छन्। जिल्ला अधिवेशनबाट थापा दोस्रो कार्यकालका लागि अध्यक्षमा चयन भएका हुन्।
निर्वाचन समितिका संयोजक ध्रुव थापाका अनुसार थापाको नेतृत्वमा २५ सदस्यीय जिल्ला कार्यसमिति सर्वसम्मत रूपमा चयन गरिएको छ। कार्यसमितिका अन्य पदाधिकारी भने पहिलो बैठकबाट मनोनयन गरिने जनाइएको छ।
अधिवेशनको उद्घाटन राप्रपाका अध्यक्ष राजेन्द्र लिङ्देनले गरेका थिए। उद्घाटन समारोहलाई सम्बोधन गर्दै लिङ्देनले राजनीतिक नेतृत्वले आफ्नो व्यवहार, कार्यशैली र जिम्मेवारीप्रति थप संवेदनशील हुनुपर्ने आवश्यकता औँल्याए।
उनले पार्टी संगठनलाई थप मजबुत बनाउँदै जनतामाझ प्रभावकारी रूपमा प्रस्तुत हुन नेतृत्व तथा कार्यकर्ताको भूमिका महत्वपूर्ण हुने धारणा व्यक्त गरे।
Discussion about this post