कञ्चनपुर । डिजिटल शिक्षाको क्षेत्रमा काम गर्दै आएको नोट स्विफ्ट प्रा.लि.ले नयाँ अपडेटेड एप सार्वजनिक गरेको छ। विद्यार्थीको सिकाइलाई थप व्यवस्थित, सहज र प्रविधिमैत्री बनाउने उद्देश्यले सोमबार एपको नयाँ संस्करण सार्वजनिक गरिएको हो।
नोट स्विफ्टले विद्यालय तहका विद्यार्थीलाई लक्षित गर्दै पाठ्यक्रममा आधारित नोट्स, भिडियो लेक्चर, अभ्यास प्रश्न, क्विज, परीक्षामुखी सामग्री, विगतका प्रश्नपत्र तथा मोडल प्रश्नलगायतका शैक्षिक सामग्री उपलब्ध गराउँदै आएको जनाएको छ।
नोट स्विफ्टका संस्थापक तथा प्रमुख कार्यकारी अधिकृत विकास पाण्डेयका अनुसार विद्यार्थी, शिक्षक, अभिभावक र विद्यालयलाई एउटै डिजिटल प्लेटफर्ममा जोड्दै समग्र सिकाइ प्रक्रियालाई सहज बनाउने कम्पनीको लक्ष्य छ।
कम्पनीका सह–संस्थापक तथा डाइरेक्टर अफ एकेडेमिक्स विशाल भट्टले विद्यार्थीको वास्तविक आवश्यकतालाई आधार बनाएर शैक्षिक सामग्री विकास भइरहेको बताए। उनका अनुसार आगामी दिनमा कक्षा ९ देखि १२ सम्मका विद्यार्थीलाई लक्षित गर्दै डिजिटल सामग्री र सुविधालाई थप विस्तार गरिनेछ।
Discussion about this post