धादिङ प्रहरी लगातार तेस्रो पटक उत्कृष्ट बन्यो

जिल्ला प्रहरी कार्यालय धादिङ कार्यसम्पादन मूल्याङ्कनमा लगातार तेस्रो पटक उत्कृष्ट बनेको छ। नेपाल प्रहरी प्रधान कार्यालयले प्रहरी उपरीक्षक (एसपी) नेतृत्वमा रहेका १५ पहाडी जिल्ला प्रहरी कार्यालयको असार महिनाको मूल्याङ्कनमा धादिङ पहिलो स्थानमा परेको हो।

अपराध नियन्त्रण, अनुसन्धान, फरार प्रतिवादी पक्राउ, लागूऔषध नियन्त्रण, राजमार्ग सुरक्षा, विपद् व्यवस्थापन र समुदाय–प्रहरी साझेदारीलगायतका क्षेत्रमा उत्कृष्ट प्रदर्शनका आधारमा धादिङ पहिलो बनेको हो। सीमित स्रोत–साधनका बाबजुद एसपी सुमित खड्काको नेतृत्वमा धादिङ प्रहरीले प्रभावकारी सेवा प्रवाह गरेको भन्दै सर्वसाधारणले समेत प्रशंसा गरेका छन्।