कञ्चनपुर । कञ्चनपुरको भीमदत्त नगरपालिका वडा नम्बर ०९, मटैना सिवटोलस्थित बैजनाथ मन्दिर परिसरमा सरसफाइ कार्यक्रम सम्पन्न भएको छ। मन्दिर संरक्षण समितिको आयोजना तथा स्थानीय बासिन्दाहरूको सहभागितामा उक्त सरसफाइ कार्यक्रम सम्पन्न भएको हो।
धार्मिक तथा सांस्कृतिक महत्त्व बोकेको मन्दिर क्षेत्रलाई स्वच्छ, सुन्दर र पवित्र राख्ने उद्देश्यका साथ सरसफाइ गरिएको स्थानीय दीपेन्द्र सिंह ऐरीले जानकारी दिनुभयो। उहाँका अनुसार मन्दिर परिसरभित्र रहेका फोहोरमैला, झाडी तथा आसपासको क्षेत्रलाई सफासुग्घर पारिएको छ।
कार्यक्रममा मन्दिर संरक्षण समितिका अध्यक्ष मेख नाथको लगायत समितिका पदाधिकारीहरू, समाजसेवी तथा स्थानीय बासिन्दाहरूको उल्लेख्य उपस्थिति रहेको थियो।
आयोजक मन्दिर संरक्षण समितिले मन्दिरको स्वच्छता र संरक्षणका लागि स्वतःस्फूर्त रूपमा खटिने तथा सहयोग पुर्याउने सम्पूर्ण स्थानीय, पदाधिकारी एवम् सहयोगी हातहरूप्रति आभार व्यक्त गरेको छ।
Discussion about this post