बारम्बार विद्युत् अवरुद्ध (ट्रिपिङ) हुने समस्या देखिएपछि ऊर्जा, जलस्रोत तथा सिँचाइ मन्त्रालयले त्यसको समाधानका लागि विशेष अभियान सुरु गरेको छ।
मन्त्रालयका अनुसार वर्षायाममा विद्युत् आपूर्ति बारम्बार अवरुद्ध हुने समस्यालाई प्राथमिकतामा राख्दै अभियान सञ्चालन गरिएको हो।
ऊर्जामन्त्री विराजभक्त श्रेष्ठको सचिवालयका अनुसार उपभोक्ताबाट गुनासो प्राप्त हुनासाथ समस्या समाधान गर्न नेपाल विद्युत् प्राधिकरणले आवश्यक प्राविधिक जनशक्ति र उपकरणसहितको टोली चौबिसै घण्टा तयारी अवस्थामा राखेको छ।
विद्युत् आपूर्तिसम्बन्धी कुनै गुनासो वा समस्या आएमा उपभोक्ताले निःशुल्क हटलाइन नम्बर ११५० वा ११५१ मा सम्पर्क गर्न मन्त्रालयले आग्रह गरेको छ। मन्त्रालयले ट्रिपिङको समस्या छिटो समाधान गरी नियमित र भरपर्दो विद्युत् सेवा उपलब्ध गराउने लक्ष्यका साथ अभियान सञ्चालन गरिएको जनाएको छ।
Discussion about this post