लगातार दुई दिन बढेको शेयर बजार आज भने घटेको छ । नेप्से परिसूचक आज ८.३० अङ्कले घट्दै २ हजार ६५३.४० विन्दुमा झरेको छ ।
आज विकास बैंक, फाइनान्स, जलविद्युत्, माइक्रोफाइनान्स, निर्जीवन बीमा र व्यापार समूह बाहेक अधिकांश समूहको सूचक घटेको छ । कुल १५९ वटा कम्पनीको शेयर मूल्य घट्दा १०४ वटा कम्पनीको बढेको छ भने १४ कम्पनीको मूल्य स्थिर रहेको छ ।
आजको कारोबारमा अपर लोहोरे खोला हाइड्रोपावरको शेयर साढे १३ प्रतिशतले घटेको छ भने सानीगड हाइड्रो, स्नो रिभर्स र कलङ्गा हाइड्रोको शेयर १५ प्रतिशतले बढेको छ ।
बजार घटे पनि कारोबार रकम भने बढेको छ । हिजो ४ अर्ब ११ करोडको कारोबार भएकोमा आज ३४५ कम्पनीका ८५ लाख ८४ हजार कित्ता शेयर ४ अर्ब ४१ करोड रुपैयाँमा कारोबार भएको छ ।
Discussion about this post