अबका तीन दिन देशका केही ठाउँमा अत्यधिक वर्षाको सम्भावना रहेको भन्दै मौसम पूर्वानुमान महाशाखाले चेतावनी जारी गरेको छ ।
महाशाखाका अनुसार आज कोशी प्रदेशको पहाडी र तराई भूभागका एक/दुई ठाउँमा अत्यधिक वर्षा हुन सक्ने सम्भावना छ ।
भोलि कोशी, मधेश, बागमती र गण्डकी प्रदेशका एक/दुई ठाउँमा अत्यधिक वर्षाको सम्भावना रहेको महाशाखाले जनाएको छ । त्यस्तै पर्सि मंगलबार कोशी, मधेश र गण्डकी प्रदेशका केही ठाउँमा पनि अत्यधिक वर्षा हुन सक्ने अनुमान गरिएको छ ।
बाढी, डुबान, पहिरो लगायतका जोखिमबाट सतर्क रहन महाशाखाले आग्रह गरेको छ ।
यसैबीच, असारको मध्य भइसक्दा पनि पर्याप्त वर्षा नहुँदा धान रोपाइँ प्रभावित भइरहेका बेला अबका केही दिन कोशी, मधेश, बागमती र गण्डकी प्रदेशका धेरै ठाउँमा रोपाइँका लागि आवश्यक वर्षा हुने मौसमविद्को अनुमान छ ।
मंगलबारदेखि पश्चिम तराईमा पनि वर्षा हुने सम्भावना रहेको र मनसुन थप सक्रिय भएर देशभर फैलिने तथा अर्को हप्ता पर्याप्त वर्षा हुने मौसमविद्ले बताएका छन् ।
Discussion about this post