काठमाडौँ । लुम्बिनी प्रदेशका मुख्यमन्त्री चेतनारायण आचार्यले मन्त्रिपरिषद् पुनर्गठन गर्दै पाँच नयाँ मन्त्री नियुक्त गरेका छन्। पुनर्गठनसँगै मन्त्रालयहरूको कार्यविभाजन पनि गरिएको छ।
पुनर्गठित मन्त्रिपरिषद्मा नेकपा ९एमाले० बाट चार जना र जनता समाजवादी पार्टी ९जसपा० बाट एक जना मन्त्री समावेश भएका छन्।
एमालेका तुलसीप्रसाद चौधरीलाई कृषि, भूमि व्यवस्था तथा सहकारी मन्त्रालय, रामजीप्रसाद घिमिरेलाई स्वास्थ्य मन्त्रालय, रत्नबहादुर खत्रीलाई भौतिक पूर्वाधार विकास मन्त्रालय तथा डिल्लीराज भुसाललाई ऊर्जा, जलस्रोत तथा सिँचाइ मन्त्रालयको जिम्मेवारी दिइएको छ।
यस्तै, जसपाका भण्डारीलाल अहिरलाई आन्तरिक मामिला तथा कानुन मन्त्रालयको जिम्मेवारी प्रदान गरिएको छ। यसअघि उक्त मन्त्रालयको जिम्मेवारी जसपाकै आदेशकुमार अग्रवालले सम्हाल्दै आएका थिए।
मन्त्रिपरिषद् पुनर्गठनसँगै अग्रवालको स्थानमा अहिरलाई मन्त्री नियुक्त गरिएको हो।
नवनियुक्त मन्त्रीहरूको शपथग्रहण कार्यक्रम जेठ २५ गते सोमबारका लागि तय गरिएको छ। मन्त्रिपरिषद् पुनर्गठनलाई प्रदेश सरकारको कार्यसम्पादनलाई थप प्रभावकारी बनाउने प्रयासका रूपमा हेरिएको छ।
Discussion about this post