काठमाडौं –नेपाली कांग्रेसका सभापति गगन थापाले ‘जेनजी’ आन्दोलनका क्रममा भदौ २४ गते भएको घटनाको अझैसम्म निष्पक्ष छानबिन नभएको धारणा राख्नु भएको छ ।
मोरङको विराटनगरस्थित कोइरालानिवास पुगेर सभापति थापाले सनिवार वर्तमान सरकार भदौ २४ गतेको घटनालाई ढाकछोप गर्न लागिरहेको भन्दै घटना छानबिनका निम्ति तत्काल न्यायिक आयोग गठन गर्नुपर्ने बताउनु भएको हो ।
भदौ २३ गतेको अप्रिय घटनामा राज्यको कमजोरी रहेको बताउँदै त्यसबारे अनुसन्धान र कारबाही प्रक्रिया अघि बढेको भएपनि भदौ २४ गते कोइरालानिवासदेखि चाक्सीबारी, सिंहदरबार, राष्ट्रपति भवनसम्म गरिएको तोडफोड, आगजनी र हिंसाबारे राज्य मौन बसेको आरोप लगाउनु भयो ।
भदौ २३ गते एउटा अप्रिय घटना भयो, त्यो घटनामा राज्यको धेरै ठूलो दोष थियो र त्यही भएर त्योमाथि अनुसन्धान भएको छ ।भदौ २४ गते पनि थुप्रै युवा र प्रहरी मारिएका छन् । भदौ २४ गते नेपालमा जुन वितण्डा भयो, त्यो वितण्डाको हिसाबकिताब हुन अझै बाँकी छ यसको बारेमा सबैले मौनता साधेको जस्तो भएको छ, ” थापाले भन्नुभयो ।
नेपाल टेलिभिजन
Discussion about this post