काठमाडौं । बिचौलियासँग सम्पर्क र साँठगाँठ गरेको आरोप लागेका न्यायाधीशबारे छलफल गर्न सर्वोच्च अदालतको पूर्ण बैठक (फुलकोर्ट) आज बस्दैछ।
यसअघि शुक्रबार बसेको बैठकमा इनम सापकोटाले प्रधानन्यायाधीश डा. मनोज शर्माको नाम लिएको तथा न्यायाधीश हरि फुयालले सापकोटालाई भेटेको विषयमा न्यायाधीशहरूले प्रश्न उठाएका थिए।
बैठकमा विवादबारे सत्यतथ्य पत्ता लगाउन उच्चस्तरीय आन्तरिक छानबिन समिति गठन गर्नुपर्ने सुझावसमेत आएको थियो।
यस विषयले अहिले संसद्, न्यायालय, राजनीतिक दल, नागरिक समाज र नेपाल बार एसोसिएसनमा समेत चर्चा पाएको छ। यसैबीच, सत्तारुढ राष्ट्रिय स्वतन्त्र पार्टीले पनि अदालतमा देखिएका विवाद समाधानका लागि संसदीय प्रक्रियाबाट निकास खोज्न निर्देशन दिएको छ।
Discussion about this post