काठमाडौं : इरान, भारत र नेपाल सम्मिलित त्रिदेशीय मैत्रीपूर्ण फुटबल प्रतियोगिताको दोस्रो खेलमा भारतविरुद्ध पहिलो हाफमा कप्तान साबित्रा भण्डारीको गोलमा नेपालले १-० को अग्रता बनाएको छ।
सिलोङको जवाहरलाल नेहरू स्टेडियममा जारी खेलको दोस्रो मिनेटमा नेपालकी स्ट्राइकर साबित्रा भण्डारीले दुईजना डिफेन्डर र गोलकिपरलाई बिट गर्दै नेपालका लागि पहिलो गोल गरिन्।
खेलको बाइसौँ मिनेटमा नेपालकी प्रीति राईले डिबक्स भित्र राम्रो अवसरलाई सदुपयोग गर्न सकिनन्। उनले हानेको प्रहार दोस्रो बार हुँदै बाहिरियो।
३२औँ मिनेटमा भारतले राम्रो अवसर पाएको थियो। भारतकी जर्सी नम्बर ११ कि दाङमेइ ग्रेसले सम्पूर्ण डिफेन्डरहरूलाई बिट गर्दै दायाँ तर्फबाट बढाएको बललाई उनले फिनिस नगर्दै क्रस गर्दा भारतले राम्रो अवसर गुमायो।
खेलको ४३ औँ मिनेटमा नेपालले दिपा शाहीको पासमा कप्तान भण्डारीलाई दिएको बल भारतकी गोलकिपरले उत्कृष्ट वाच गरिन्।
नेपाल र भारतले हालसम्म १९ पटक एकअर्काको सामना गरेका छन्। जसमध्ये ११ खेलमा भारतले जित निकालेको छ भने ३ खेलमा नेपालले भारतलाई जितेको छ । त्यस्तै ४ खेल बराबरीमा सकिएका छन्।अन्नपूर्ण
Discussion about this post