कञ्चनपुर : अखिल नेपाल फुटबल संघ (एन्फा) ले २०२५ को बाँकी क्यालेन्डर सार्वजनिक गरेको छ। जसमा हाल सर्वाधिक चर्चामा रहेको ए डिभिजन लिग पुष ९ गतेदेखि असार २६ गतेसम्म हुने मिति तोकिएको छ।
मिति तोकिए पनि हालसम्म यो प्रतियोगिताको भेन्यु भने तोकिएको छैन। ए डिभिजन लिगको मिति तोकिएर आउँदा नेपाल सुपर लिग ९एनएसएल० भने एन्फाको परिमार्जित क्यालेन्डरमा अटाएन।
यसअघि सार्वजनिक भएको एन्फाको क्यालेन्डरमा एनएसएलको लागि सेप्टेम्बर, अक्टोबर र नोभेम्बरको समय तोकिएको थियो। तर, परिमार्जित क्यालेन्डरमा एनएसएलले ठाउँ पाएको छैन। एन्फा प्रतियोगिता संयोजक सञ्जीव मिश्रका अनुसार ए डिभिजन लिगका टिमहरूसँगको बैठकपछि एनएसएललाई पनि एन्फाले समय मिलाएर समेट्ने अन्नपूर्ण पोष्टसँग बताए। ुएन्फाले सेप्टेम्बर, अक्टोबर र नोभेम्बरको समय एनएसएललाई दिएको हो। यसै बिचमा ए डिभिजन क्लबहरुसँग छलफल गरेर एनएसएल पनि हुनेछ। हटाएको होइन,ु मिश्रले अन्नपूर्ण पोष्टसँग भने।
त्यसअघि, नेपाली टिममा भियतनामसँग एएफसी एसियन कप छनोटको खेल खेल्नेछ। जसका लागि प्रशिक्षक म्याट रोसले प्रारम्भिक टोली पनि सार्वजनिक गरिसकेका छन्। कात्तिकमा नेपाली महिला टिमले भारतसँग ५ दिन लामो मैत्रीपूर्ण खेल खेल्ने तालिका रहेको छ।
एन्फा प्रेसिडेन्ट लिग २०२५, एन्फा यू १६ युथ लिग कात्तिक १७ देखि मंसिर २ सम्म एन्फा कम्प्लेक्समा रहेको छ। नेपाली सिनियर पुरुष टोलीले मलेसियासँग एएफसी एसियन कप खेल्ने अन्तर्राष्ट्रिय तालिका छ।
सी डिभिजन लिग मंसिर ४ देखि २८ गतेसम्म हुने तालिका छ। ३ देश सम्मेलित मैत्रीपूर्ण सिरिज महिलाको मंसिर ८ देखि १६ गतेसम्म इण्डोनेसियामा हुनेछ।साफ वुमन्स क्लब च्याम्पियनसिप मंसिर १९ देखि पुष ५ सम्म दशरथ रंगशालामा हुनेछ।
ललित मेमोरियल यू १८ युथ लिग, एन्फा महिला च्याम्पियनसिप, शहिद स्मारक महिला लिग, शहिद स्मारक महिला सुपर लिग र एएफसी एसियक कप छनोट नेपाल र लाओसको खेलसम्मको तालिका एन्फाले सार्वजनिक गरेको छ।
Discussion about this post