काठमाडौं : एसिया कप २०२५ मा घरेलु टिम युएइले पहिलो जित दर्ता गरेको छ। समूह ‘ए’ अन्तर्गत भएको खेलमा युएइले ओमानलाई ४२ रनले पराजित गरेको छ।
युएईस्थित अबुधाबीको जइद क्रिकेट स्टेडियममा टस हारेर पहिले ब्याटिङ गरेको युएइले निर्धारित २० ओभरमा ५ विकेट गुमाउँदै १७२ रन बनाएको थियो।
युएइले दिएको १७३ रनको विजयी लक्ष्य पछाएको ओमान १८.४ ओभरमा १३० रन बनाउँदै अलाउट भयो। ओमानका लागि आर्यन बिस्टले सर्वाधिक २४ रन बनाए उनले ३२ बलमा २ चौका प्रहार गरे।
ओपनिङमा आएका कप्तान जितेन्द्र सिंहले आएर २० रन बनाए। त्यसपछिका तीनवटा ब्याटरले दोहोरो अंकमा रन बनाउन नसक्दा ओमानको ब्याटिङ धरापमा परेको हो। पावर प्ले सकिँदा ४ विकेट गुमाएको ओमानले सुरुवाती विकेटहरू चाँडै गुमाउँदा ब्याटिङ धरापमा पर्यो। विनायक शुक्लाले २० रन बनाउँदा जितेन रमनाण्डीले १३ रन बनाए। सकिल अहमद १४ रनमा अविजित रहे। अन्तिम विकेटका रूपमा समय श्रीवास्तवा ६ रनमा रनआउट हुँदा ओमान अलआउट हुन पुगेको हो।
युएईका लागि बलिङमा जुनैद सिद्धकीले सर्वाधिक ४ विकेट लिए। दर अलि र मोहम्मद जवादुल्लाले समान २-२ विकेट लिँदा मोहम्मद रोहिडले १ विकेट लिए।
यसअघि ब्याटिङ गरेको युएईका लागि कप्तान मोहम्मद वसिमले सर्वाधिक ६९ रनको पारी खेले। उनले ५४ बलमा ६ चौका र ३ छक्का प्रहार गरे। अर्का ओपनर अलिशान छ र आफूले ५१ रनको अर्धशतकीय पाली खेले। मोहम्मद जोहैबले २१ रन बनाए। कौशिक १९ रनमा अविजित रहे। ओमानका लागि बलिङतर्फ जितेन रमनाण्डीले २ विकेट लिए। हसैन शाह र साम्य श्रीवास्तवाले १-१ विकेट लिए।
पाकिस्तान र भारत जस्तो बलियो टिम रहेको समूह ‘ए’ मा रहेका यी दुई टिमको यो पहिलो जित हो। ओमानले पहिलो खेलमा पाकिस्तानसँग ९३ रनको हार बेहोरेको थियो। युएइले पहिलो खेलमा भारतसँग ९ विकेटको हार बेहोरेको थियो। यो जितसँगै युएइ दुई खेलमा एक जितसहित दुई अंक लिएर तेस्रो स्थानमा रहेको छ। ओमान भने दुई खेलमा दुई हारसहित समूह ‘ए’ को पुछारमा रहेको छ। समूह ‘बी’ अन्तर्गत आज श्रीलंका र हङकङले खेलिरहेका छन्। अन्नपूर्ण
Discussion about this post