कञ्चनपुर । नेपाल प्रिमियर लिग (एनपीएल) सिजन-२ मा कञ्चनपुर जिल्लाका १० जना क्रिकेट खेलाडीहरू विभिन्न टोलीबाट खेल्ने भएका छन्। यस अवसरमा कञ्चनपुर जिल्ला क्रिकेट संघले सामाजिक सञ्जाल फेसबुकमार्फत सबै खेलाडीहरूलाई बधाई दिँदै उज्ज्वल भविष्यको शुभकामना व्यक्त गरेको छ।
यस सिजनमा दीपेन्द्र सिंह ऐरी, बिनोद भण्डारी, हेमन्त धामी र मिलन बोहरा सुदूरपश्चिम रोयल्सको टोलीबाट खेल्दैछन्। यस्तै, भीम सार्की काठमाडौँ गोर्खाज, सन्दीप जोरा लुम्बिनी लायन्स, किरण कुमार ठगुन्ना र आकाश चन्द पोखरा एभेन्जर्स, तथा विकास आग्री र आदित्य महता जनकपुर बोल्ट्सको तर्फबाट मैदानमा उत्रनेछन्।
जिल्ला क्रिकेट संघले यी खेलाडीहरूको प्रदर्शनले जिल्लाको मात्र नभई सम्पूर्ण प्रदेशको नाम उज्यालो बनाउने विश्वास व्यक्त गरेको छ। यो उपलब्धिले कञ्चनपुरका युवा खेलाडीहरूलाई क्रिकेटमा लाग्न थप प्रोत्साहन मिल्ने अपेक्षा गरिएको छ। संघले सम्पूर्ण खेलाडीहरूको उत्तरोत्तर प्रगतिको कामना गर्दै उनीहरूले आगामी लिगमा उत्कृष्ट प्रदर्शन गर्ने विश्वास लिएको छ।
Discussion about this post