कञ्चनपुर । राष्ट्रिय शिक्षक सङ्गठन कञ्चनपुरको अध्यक्षमा उत्तम सिंह विष्ट निर्वाचित भएका छन् । जिल्लाको झलारीमा सम्पन्न भएको नेकपा एमाले निकट नेपाल राष्ट्रिय शिक्षक सङ्गठन कञ्चनपुरको १३औँ जिल्ला अधिवेशनबाट अध्यक्षमा विष्ट निर्वाचित भएका हुन् ।
विष्टले आफ्नी निकटतम प्रतिस्पर्धी भुवनेश्वरी थापा(रावल)लाई ६९मतको तेब्बर मतको अन्तरले हराउँदै अध्यक्षमा निर्वाचित भएका हुन । विष्टले १०३ र रावलले ३४ मत ल्याएकी थिइन । यस अघि विष्ट निवर्तमान सचिव र रावल उपाध्यक्ष थिइन् ।
अन्य पदाधिकारी, सदस्य प्रदेश र केन्द्रीय प्रतिनिधिमा निर्विरोध निर्वाचित भएका छन् । उपाध्यक्ष चन्द्र बहादुर थापा, कुमारी सत्या रोकाया , सचिव धनञ्जय जोशी , कोषाध्यक्ष छविराज पाण्डेय, सह सचिव गिता रेग्मी , सह कोषाध्यक्ष निर्मला जोशी, सदस्य तर्फ टिकाराम शर्मा, लक्ष्मीदत्त भट्ट। रुद्र कारजोशी, प्रेमसिंह भण्डारी, खेमराज जोशी, राम बहादुर कुँवर, दयाकृष्ण जोशी, सत्यराज जोशी, सालिकराम खराल, रामप्रसाद जैसी, मैना पण्डित, लक्ष्मी खडका, दुर्गा विष्ट, चन्द्रदत्त भट्ट, जानकी राना, डिलमाया विक, दीपेन्द्र कुमार चौधरी निर्विरोध चयन भएका छन् ।
प्रदेश प्रतिनिधिमा जगदीश प्रसाद जोशी, वकिल बहादुर बस्नेत, अङ्कराज चौधरी, अमर बस्नेत, पदम ब. सिंह, पुष्पराज ओझा, शकरसिंह विष्ट, केशवदत्त जोशी, पदम ब. साउद, जनक ब. विष्ट, लक्ष्मी ढकाल(धामी), कृष्णदत्त भट्ट, ज्योति जोशी, केशवराज जोशी, कुल ब. खडका, लक्ष्मीदत्त जोशी, दीपक बोहरा, खडक रेग्मी, कृष्णहरी पण्डित निर्विरोध चयन भएका छन् ।
यस्तै केन्द्रीय प्रतिनिधिमा महेशदत्त भट्ट, चन्द्रलाल चौधरी, बेद प्रकाश उपाध्याय पनि निर्विरोध चयन भएका छन् । गजेन्द्र केसीको संयोजकत्वमा नवराज पन्त, मन बहादुर केसी सदस्य रहेको लेखा परीक्षण समिति चयन गरिएको छ । नेपाल राष्ट्रिय शिक्षक सङ्गठन कञ्चनपुरका नव अध्यक्ष उत्तम सिंह विष्टले आम शिक्षकहरूको हकहितका साथै सार्वनजिक शिक्षाको सुधारका क्षेत्रमा काम गर्ने प्रतिज्ञा गरेका छन् ।
दुई दशकदेखि शिक्षण पेशामा रहेका विष्टले आफूलाई शिक्षक साथीभाइहरूले गरेको विश्वास अनुरूप जिल्लाको शैक्षिक विकृति विरुद्धमा सङ्घर्षका साथै सार्वजनिक शिक्षा सुधारका क्षेत्रमा काम गर्ने उद्घोष गरेका छन् ।
Discussion about this post