यस्तो छ आजको मौसम

कञ्चनपुर — नेपालमा हाल पश्चिमी वायु, स्थानीय वायु, बङ्गालको खाडी र अरब सागरबाट आएको जलवाष्पयुक्त हावाको प्रभावले मौसममा विविधता देखिएको छ।

दिउँसोको मौसम: देशको पहाडी भूभागमा आंशिकदेखि साधारणतया बदली रहने र बाँकी भूभागमा मुख्यतया सफा देखि आंशिक बदली हुने सम्भावना छ। पहाडी क्षेत्रका थोरै स्थानमा र अन्य भूभागका एक-दुई स्थानमा मेघगर्जन र चट्याङसहित हल्कादेखि मध्यम वर्षा हुने अनुमान छ। साथै, हिमाली भूभागका एक-दुई स्थानमा हल्का वर्षा वा हिमपातको सम्भावना रहेको छ।

रातिको मौसम: पहाडी भूभागमा आंशिक बदली रहने र बाँकी क्षेत्रमा मुख्यतया सफा देखि आंशिक बदली हुने छ। पहाडी क्षेत्रका एक-दुई स्थानमा मेघगर्जन र चट्याङसहित हल्कादेखि मध्यम वर्षा तथा हिमाली भूभागमा हल्का वर्षा वा हिमपातको सम्भावना छ।

मौसमविद्हरूले चट्याङ र वर्षाबाट बच्न सतर्कता अपनाउन सुझाव दिएका छन्।