यस्तो छ आजको मौसम

कञ्चनपुर । हाल नेपालमा पश्चिमी वायु, स्थानीय वायु र बङ्गालको खाडीबाट आएको जलवाष्पयुक्त हावाको प्रभाव रहेको मौसम पूर्वानुमान महाशाखाले जनाएको छ।

आज दिउँसोको मौसम:
कोशी र मधेश प्रदेशसहित देशको पहाडी भू-भागमा आंशिकदेखि साधारणतया बदली रहनेछ। बाँकी भू-भागमा भने मौसम मुख्यतया सफा देखि आंशिक बदली हुने अनुमान छ। मधेश प्रदेश र पहाडी भू-भागका थोरै स्थानमा मेघगर्जन र चट्याङसहित हल्का वर्षाको सम्भावना छ। साथै, हिमाली भू-भागका केही स्थानमा हल्का वर्षा वा हिमपात हुन सक्ने सम्भावना रहेको छ।

आज रातिको मौसम:
कोशी प्रदेशसहित पहाडी भू-भागमा आंशिकदेखि साधारणतया बदली रहनेछ भने बाँकी क्षेत्रमा मौसम मुख्यतया सफा देखि आंशिक बदली हुनेछ। कोशी, मधेश र गण्डकी प्रदेशका पहाडी भू-भागका केही स्थानमा तथा बागमती र कर्णाली प्रदेशका एक-दुई स्थानमा मेघगर्जन र चट्याङसहित हल्कादेखि मध्यम वर्षाको सम्भावना छ। कोशी, गण्डकी र कर्णाली प्रदेशका हिमाली भू-भागमा एक-दुई स्थानमा हल्का वर्षा वा हिमपात हुने सम्भावना रहेको छ।

मौसम विभागले चट्याङ र वर्षाका कारण हुन सक्ने जोखिमबाट बच्न आवश्यक सतर्कता अपनाउन सर्वसाधारणलाई अनुरोध गरेको छ।