कञ्चनपुर — नेपालमा हाल पश्चिमी वायु र स्थानीय वायुको आंशिक प्रभावका कारण मौसममा विविधता देखिएको छ। मौसम पूर्वानुमान महाशाखाका अनुसार आज राति देशको पहाडी भू-भागमा आंशिक बदली रहनेछ भने बाँकी क्षेत्रमा मौसम मुख्यतया सफा देखि आंशिक बदलीको अवस्था रहनेछ। कोशी र गण्डकी प्रदेशका हिमाली भू-भागका एक-दुई स्थानमा हल्का वर्षा वा हिमपातको सम्भावना छ।
भोलि दिउँसो देशको पहाडी भू-भागमा आंशिकदेखि साधारणतया बदली रहने र बाँकी क्षेत्रमा मौसम मुख्यतया सफा देखि आंशिक बदली रहने अनुमान छ। मधेश प्रदेशसहित पहाडी भू-भागका केही स्थान र अन्य क्षेत्रका एक-दुई स्थानमा मेघगर्जन र चट्याङसहित हल्का वर्षाको सम्भावना रहेको छ। साथै, हिमाली भू-भागका थोरै स्थानमा हल्का वर्षा वा हिमपात हुन सक्ने महाशाखाले जनाएको छ।
मौसमको यो अवस्थालाई मध्यनजर गर्दै सम्बन्धित क्षेत्रका बासिन्दालाई सतर्क रहन र आवश्यक तयारी गर्न महाशाखाले आग्रह गरेको छ।
Discussion about this post