कञ्चनपुर । ग्लोबल इन्स्टिच्युट अफ इन्फरमेसन एण्ड टेक्नोलोजी प्रालिले कञ्चनपुरमा आफ्नो शाखा सञ्चालनमा ल्याएको छ। ग्लोबल इन्स्टिच्युट टेक्नोलोजी प्रालिले महेन्द्रनगरको गल्ली नम्बर ३ मा आफ्नो शाखा सञ्चालनमा ल्याएको हो।
बुधबार एक भव्य कार्यक्रमको आयोजना गर्दै शाखाको उद्घाटन गरिएको ग्लोबल इन्स्टिच्युट अफ इन्फरमेसन एण्ड टेक्नोलोजी प्रालिका संस्थापक बिबी भण्डारीले जानकारी दिनुभएको छ। उक्त इन्स्टिच्युटबाट कोरियन, जापानिज भाषा अध्ययनका साथै, आईल्स, पिटिई, ट्युसन तथा कम्प्युटरका कक्षा सञ्चालन गरिने संस्थापक भण्डारीले बताउनुभएको छ।
विगत १५ वर्षदेखि भारत र नेपालमा ६ वटा शाखा खोलेर विद्यार्थीहरु तथा युवाहरुलाई कसरी सफल बनाउन सकिन्छ?कसरी रोजागारी दिन सकिन्छ?भन्ने सिद्धान्तमा इन्स्टिच्युटले काम गर्दै आइरहेको भण्डारीको भनाई रहेको छ।
ग्लोबल इन्स्टिच्युट अफ इन्फरमेसन एण्ड टेक्नोलोजी प्रालिको छिमेकी राष्ट्र भारतमा समेत ३ वटा शाखा सञ्चालनमा रहेको इन्स्टिच्युटका प्रबन्ध निर्देशक बिष्णु साउदले जानकारी दिनुभएको छ। यसभन्दा अगाडी कैलालीको धनगढीमा र अत्तरियामा शाखा सञ्चालन ल्याइसकेको प्रबन्ध निर्देशक साउदले बताउनुभएको छ। उहाँले भन्नुभयो ‘ हामिले इन्स्टिच्युटमा विद्यार्थीको आवश्यक्ता अनुसारको कक्षा सञ्चालन गरि अनुभवी शिक्षकहरूबाट कक्षा सञ्चालन गरिरहेको छौं।, हामिले भारतमा पनि ३ वटा शाखा सञ्चालन गरेर कार्य गरिरहेका छौं भने यसभन्दा अगाडी धनगढी र अत्तरिया शाखा सञ्चालनमा ल्याइसकेका छौं।‘ साथै आर्थिक अवस्था कमजोर भएका विद्यार्थीहरूलाई छात्रवृत्ति समेत प्रदान गर्दै आइरहेको उहाँले बताउनुभएको छ।
ग्लोबल इन्स्टिच्युट अफ इन्फरमेसन एण्ड टेक्नोलोजी धनगढी र अत्तरिया शाखामा ६ सयभन्दा बढी विद्यार्थी अध्ययन गरिरहेका छन् भने भारतमा रहेका तिन वटै शाखामा १ हजार भन्दा बढी विद्यार्थी अध्ययन गरिहेका छन्।
त्यसैगरी ग्लोबल इन्स्टिच्युट शाखाका प्रमुख रोसन साउदले विगत १५ वर्षदेखि इन्स्टिच्युटले विद्यार्थीहरूको लागि जसरी अनुभवी शिक्षक द्वारा कक्षा सञ्चालन गरिरहेको छ त्यसरी नै महेन्द्रनगर शाखामा पनि कक्षाहरू सञ्चालन गरिने बताउनुभएको छ।उहाँले विद्यार्थीको उज्जवल भविष्यको लागी आफू लगायत ग्लोबल इन्स्टिच्युट महेन्द्रनगर शाखाको टिम निरन्तर कार्य गर्ने प्रतिवद्धता गर्नुभएको छ।
त्यस्तै धनगढी शाखाका प्रमुख तथा कोरियन भाका शिक्षक चक्र देउवाले ग्लोबल इन्स्टिच्युटले विद्यार्थीहरूलाई दक्ष र अनुभवी शिक्षकबाट अतिरिक्त कक्षाहरू समेत सञ्चालन गराइरहेको बताउँदै इन्स्टिच्युटले विद्यार्थीको उज्जवल तथा राम्रो भविष्यको लागी कार्य गर्ने बताउनुभयो। कार्यक्रममा शिक्षक, विद्यार्थी, समाजसेवी, पत्रकार लगायत स्थानीयको समेत भव्य उपस्थिती रहेको थियो।
Discussion about this post