भैरहवा । थाई एयर एसियाले गौतमबुद्ध अन्तराष्ट्रिय विमानस्थल भैरहवामा परीक्षण उडान गरेको छ ।
बैंकक–भैरहवा–बैंकक उडान आगामी शुक्रबारबाट उडान गर्न लागेको थाई एयर एसियाले आज बिहान परीक्षण उडान भरेको हो । गौतमबुद्ध अन्तर्राष्ट्रिय बिमानस्थलका अनुसार थाई एयर एसियाले भैरहवाबाट साताको २ दिन उडान गर्नेछ ।
८ नोभम्बर अर्थात कार्तिक २३ गतेबाट उडान सुरु हुनेछ । आज बिहान ७ बजे थाईएयर एसियाको विमान अवतरण गरेको थियो । चालक दलका सात सदस्य रहेको विमान करिब चालिस मिनेटपछि बैंकक गएको विमानस्थलले जनाएको छ ।
थाईएअर एसियाको केही दिनअघि मात्रै भैरहवा र पुनः उडान काठमाडौंमा सुरु गर्न अनुमति पाएको थियो । टिकट बिक्री लगायत बजार प्रवर्द्धनको कामको तयारी भइरहेको विमानस्थलले जनाएको छ । कान्तिपुर अनलाइन
Discussion about this post