बैतडीको पञ्चेश्वर गाउँपालिकाको कार्यालय देखि विनायक घाट सम्मको सडकमा स्तरोन्नतिको कार्य शुभारम्भ भएको छ । गाउँपालिका अध्यक्ष गोरख बहादुर चन्दले रिवन काटेर उक्त सडक खण्डको उद्घाटन गरेका हुन् ।
२ करोड १४ लाखको लगानीमा ठेक्का समझौता भएर आजबाट सडक स्तरोन्नतिको काम शुभारम्भ भएको गाउँपालिकाका अध्यक्ष गोरख बहादुर चन्दले जानकारी दिए । सडक स्तरोन्नतिको जिम्मा राजधानी कन्सट्रक्सनले पाएको र असार सम्म काम सम्पन्न गर्ने लक्ष्य रहको पालिका अध्यक्ष चन्दले बताए ।
विनायक सम्मको साढे १० किलोमिटर सडकलाई फराकिलो पार्ने, नाली निर्माण गर्ने र ग्राभिल गर्ने, ह्युम पाइप निर्माण, लगायतका कार्य हुने बताइएको छ । सडक स्तरोन्नति पछि सहज हुने अपेक्षा गरिएको छ । भारतीय सीमा विनायक सम्मको यो सडकखण्डले यहाँका विकासमा टेवा पुग्ने अपेक्षा गरिएको हो । निकट भविष्यमै सो सडकखण्डलाई कालोपत्रेका लागि पनि पहल गरिने गाउँपालिकाले जनाएको छ । सगुन खबर बाट सभार
Discussion about this post