सुदूरपश्चिम खबर
sudurpashimkhabar.com
15 SP Vyapar Mela long Ad

बैतडीको सिगासमा तीनओटा लघुजलविद्युत आयोजना निर्माण

650
Sana Kishan

बैतडीको सिगास गाउँपालिकाले स्थानीयहरुको विद्युत सेवामा पहुँच पुर्याउन तीनओटा लघुजल विद्युत आयोजना निर्माण गरेको छ । गएको ५ बर्षमा पालिकामा तीनओटा नयाँ जलविद्युत आयोजना निर्माण भएका छन् भने दुईओटाको मर्मत सम्भार गरिएको सिगास गाउँपालिकाका अध्यक्ष हरिसिंह धामीले बताए ।

गाउँपालिकाको वडा नं ९ मा ४६ किलोवाटको दोगाड लघु जलविद्युत आयोजना निर्माण गरिएको छ । ५ सय घरधुरीमा बत्ती बलिरहेको सो योजना १ करोड २५ लाखको लागतमा निर्माण सम्पन्न भएको अध्यक्ष धामीले बताए ।

Arus

यस्तै वडा नं ६ मा रहेको थलालीगाड लघु जलविद्युत आयोजनाले १ सय ५० घरधुरीमा उज्यालो दिन सफल भएको छ । २३ किलोवाट क्षमताको सो जल विद्युत आयोजना २ करोडको लगानिमा निर्माण सम्पन्न भएको सिगास गाउँपालिकाले जनाएको छ ।

Karnali Traders

यस्तै वडा नं ६ मै रहेको भेगेखोला लघुजल विद्युत आयोजनाको काम अन्तिम चरणमा रहेको गाउँपालिकाका प्रमुख प्रशासकीय अधिकृत कविन्द्र ओझाले बताए । २ करोडको लागतमा निर्माण भएको सो योजनाको मेसिन राखेर सञ्चालन गर्न मात्रै बाँकी रहेको उनले बताए । एक सय घरधुरीमा बत्ती बाल्ने लक्ष्य सहित सो योजना निर्माण गरिएको हो ।

यस्तै वडा नं ९ को च्वाँ लघुजल विद्युत आयोजना र पातलीगाड लघुजल विद्युत आयोजनाको मर्मत सम्भार गरी सञ्चालनमा ल्याइएको अध्यक्ष धामीले बताए ।

विद्युत राष्ट्रिय प्रशारण लाइन तत्काल पुग्न सक्ने सम्भावना नरहेका ठाउँमा लघुजल विद्युत आयोजना निर्माण गरिएको सिगास गाउँपालिकाका प्रवक्ता अम्मर धामीले बताए । उनले भने ‘लघुजल विद्युत आयोजना निर्माण भएपछि स्थानीयबासीहरुलाई फाइदा भएको छ । उनीहरुको विद्युत सेवामा पहुँच पुगेको छ ।’ सगुन खबर बाट सभार

kfg mit mart
Indreni
सम्वन्धित समाचार
Ganesh Samudayik Ban
जवाफ छाड्नुस्

Your email address will not be published.